കൊയിലാണ്ടി താമരശ്ശേരി സംസ്ഥാന പാതയില്‍ കാട്ടാമ്പള്ളിയില്‍ ടിപ്പര്‍ലോറി ഓട്ടോറിക്ഷയിലിടിച്ച് ഓട്ടോഡ്രൈവര്‍ അണ്ണാടത്തില്‍ ഗംഗാധരന് (45) സാരമായി പരിക്കേറ്റു. ബുധനാഴ്ച രാത്രി ഏഴുമണിയോടെയായിരുന്നു അപകടം. ഗംഗാധരനെ മൊടക്കല്ലൂര്‍ മെഡിക്കല്‍ കോളേജില്‍ പ്രവേശിപ്പിച്ചു. അപകടത്തെത്തുടര്‍ന്ന് സംസ്ഥാന പാതയില്‍ ഏറെനേരം ഗതാഗതതടസ്സമുണ്ടായി.
Posted By Administrator-Balussery Online
പാര്‍ട്ടിവിരുദ്ധ പ്രവര്‍ത്തനം നടത്തിയതിന് ജനതാദള്‍ (യു) ബാലുശ്ശേരി നിയോജക മണ്ഡലം സെക്രട്ടറി വി.കെ. വസന്തകുമാറിനെ പാര്‍ട്ടി സ്ഥാനങ്ങളില്‍നിന്ന് നീക്കം ചെയ്തതായി ജനതാദള്‍ (യു) മണ്ഡലം പ്രസിഡന്റ് എന്‍. നാരായണന്‍ കിടാവ് അറിയിച്ചു.
വന്യജീവി സംരക്ഷണവകുപ്പ് പാപ്പാന്‍മാര്‍ക്കായി നടത്തുന്ന ത്രിദിന പരിശീലന ക്യാമ്പ് ബാലുശ്ശേരിയില്‍ ആരംഭിച്ചു. കാസര്‍കോട് മുതല്‍ തൃശ്ശൂര്‍വരെയുള്ള നൂറിലേറെ പാപ്പാന്മാര്‍ ക്യാമ്പില്‍ പങ്കെടുക്കുന്നുണ്ട്. സോഷ്യല്‍ ഫോറസ്റ്ററി ഡെപ്യൂട്ടി കണ്‍സര്‍വേറ്റര്‍ എന്‍.ടി. സാജന്‍ ഉദ്ഘാടനം ചെയ്തു. ഡി.എഫ്.ഒ. കെ.പി. ഉദയകുമാര്‍ അധ്യക്ഷത വഹിച്ചു.
എലിഫന്റ് ഓണേഴ്‌സ് അസോസിയേഷന്‍ ഭാരവാഹികളായ ഉല്ലാസ് കുമാര്‍, പി. പ്രഭാകരന്‍, ഭാസ്‌കരന്‍ എന്നിവര്‍ പ്രസംഗിച്ചു. ഡോ. സുനില്‍ കുമാര്‍, വി. രാധാകൃഷ്ണന്‍ നായര്‍ എന്നിവര്‍ ക്ലാസെടുത്തു.
ടൗണിലെ റോഡരികിലും കടകള്‍ക്ക് മുന്നിലും പാര്‍ക്ക് ചെയ്യുന്ന ബൈക്കുകള്‍ മോഷണം പോകുന്നത് പതിവായി. കഴിഞ്ഞ ദിവസം പോസ്റ്റ് ഓഫീസ് റോഡില്‍നിന്ന് രജിസ്ട്രാഫീസിനു സമീപത്തുനിന്നുമായി രണ്ട് ബൈക്കുകള്‍ മോഷണം പോയി.ബൈക്കുകളുടെ ലോക്കുകള്‍ പൊട്ടിച്ചാണ് മോഷണം നടത്തുന്നത്. മോട്ടോര്‍ വകുപ്പില്‍ ജോലിചെയ്യുന്ന ഉന്നത ഉദ്യോഗസ്ഥന്റെ ബൈക്കാണ് കഴിഞ്ഞ ദിവസം നഷ്ടപ്പെട്ടത്. രാവിലെ റോഡരികില്‍ നിര്‍ത്തിയിട്ട് പോകുന്ന ബൈക്കുകള്‍ വൈകുന്നേരമാകുമ്പോഴേക്കും മോഷണം പോകുന്ന സ്ഥിതിയാണ്. മാസങ്ങള്‍ക്ക് മുന്‍പ് നഷ്ടപ്പെട്ട ബൈക്കുകളെക്കുറിച്ചുപോലും ഇതേവരെ ഒരു വിവരവും ലഭിച്ചിട്ടില്ല.
Displaying 57-60 of 343 results.
877880874875
