കിനാലൂര്‍ കൊലക്കേസ്: പ്രതികളെ പോലീസ് കസ്റ്റഡിയില്‍ വാങ്ങി
നരിക്കുനി പിലാത്തോട്ടത്തില്‍ രാജനെ കിനാലൂര്‍ എസ്റ്റേറ്റിലെ മങ്കയത്ത് കൊലപ്പെടുത്തിയ കേസിലെ പ്രതികളെ പോലീസ് മൂന്നുദിവസത്തേക്ക് കസ്റ്റഡിയില്‍ വാങ്ങി. പ്രതികളായ നരിക്കുനി അരീക്കര മീത്തല്‍ ലിബിന്‍, പിലാത്തോട്ടത്തില്‍ വിപിന്‍, പനങ്ങാട് കിഴക്കേ കുറുമ്പൊയില്‍ സദാനന്ദന്‍ എന്ന കോമരം ആനന്ദന്‍, കൊലചെയ്യപ്പെട്ട രാജന്റെ ഭാര്യ ഷീബ എന്നിവരെയാണ് കൂടുതല്‍ ചോദ്യം ചെയ്യലിനായി കസ്റ്റഡിയില്‍ വാങ്ങിയത്. മങ്കയം പ്രദേശം, കൊലപാതകം ആസൂത്രണം ചെയ്ത സ്ഥലങ്ങള്‍, നരിക്കുനി, കാരുകുളങ്ങരയിലുള്ള ഷീബയുടെ തറവാട് വീട്, നരിക്കുനിയില്‍ രാജന്‍ താമസിച്ചിരുന്ന വീട് എന്നിവിടങ്ങളില്‍ വീണ്ടും കൊണ്ടുപോയി ചോദ്യം ചെയ്‌തേക്കുമെന്ന് പോലീസ് പറഞ്ഞു.ഡിസംബര്‍ 20-ന് രാത്രി നടന്ന കൊലപാതകത്തിന്റെ തെളിവുകള്‍ അന്വേഷണസംഘത്തിന് ലഭിച്ചത് പത്ത് ദിവസത്തിന് ശേഷമാണ്.തുടര്‍ന്നുള്ള അന്വേഷണത്തിലായിരുന്നു പ്രതികള്‍ പിടിയിലായത്. | |
| Posted by : admin, 2016 Jan 08 09:01:40 am |
