2015 Dec 30 | View Count:
466
| മങ്കയത്ത്‌ കത്തികരിഞ്ഞ നിലയില്‍ കണ്ടെത്തിയ യുവാവിന്റെ മൃതദേഹത്തെ കുറിച്ച്‌ 10 ദിവസം കഴിഞ്ഞിട്ടും യാതൊരു തുമ്പും ലഭിക്കാതെ പോലീസ്‌ അന്വേഷണം വഴിമുട്ടി.
ജില്ലയിലെ പോലീസ്‌ സ്‌റ്റേഷനുകളിലാകെ അന്വേഷണം വ്യാപിപ്പിച്ചെങ്കിലും മരിച്ചയാളെക്കുറിച്ച്‌ യാതൊരു അറിവും ഇതുവരെ ലഭിച്ചില്ല. സംഭവ സ്‌ഥലത്ത്‌ നിന്നും കണ്ടെടുത്ത രണ്ട്‌ മൊബൈല്‍ ഫോണുകളെ ചുറ്റിപ്പറ്റിയുള്ള അന്വേഷണവും അസ്‌ഥാനത്തായി. അതിലൊരു ഫോണ്‍ ഒരാള്‍ വലിച്ചെറിഞ്ഞതാണെന്നും മറ്റൊന്ന്‌ സ്‌ഥലത്ത്‌ ചീട്ടുകളിക്കാനെത്തിയാളുടെ കയ്ില്‍യ നിന്നും നഷ്‌ടപ്പെട്ടതാണെന്നും അന്വേഷണ സംഘം സ്‌ഥിരീകരിച്ചു. ശീട്ടുകളിക്കാരെ ചുറ്റിപറ്റിയാണ്‌ ഇപ്പോള്‍ പ്രധാനമായും അന്വേഷണം നടക്കുന്നത്‌. മരിച്ച യുവാവിന്റെ വെപ്പ്‌ പല്ലിനെക്കുറിച്ചും അന്വേഷണം നടക്കുന്നുണ്ട്‌ . അതിന്റെ ഭാഗമായി ജില്ലയിലെ ദന്തഡോക്‌ടര്‍മാരെയും, ദന്തല്‍ മെക്കാനിക്ക്‌മാരെയും കണ്ട്‌ അന്വേഷണം ആരംഭിച്ചിട്ടുണ്ട്‌. മരിച്ച യുവാവിന്റെ രേഖാചിത്രം വരച്ച്‌ തയാറാക്കിയെങ്കിലും ഉദ്യോഗസ്‌ഥര്‍ തന്നെ പൂര്‍ണ തൃപ്‌തരല്ലാത്തതിനാല്‍ അന്വേഷണ സ്‌കോഡുകള്‍ ഏകീകരിച്ച്‌ വിലയിരുത്തി ചിത്രം ഇന്ന്‌ പുറത്തിറക്കുമെന്ന്‌ ബാലുശേരി സി.ഐ. പറഞ്ഞു.
|
|---|
| Posted by : admin, 2015 Dec 30 05:12:54 am |
|---|
