നമ്മൾ എന്ന് മരിക്കും?അറിയാം ഇനി വെബ്‌ സൈറ്റിലൂടെ..!!
നാം എന്ന് മരിക്കും? ദൈവത്തിനു മാത്രം അറിയാവുന്ന ഇക്കാര്യം ഇനി വെബ്‌സൈറ്റ്‌ പ്രവചിക്കും. ഉബിള്‍.കോ.യുകെ എന്ന വെബ്‌സൈറ്റാണ്‌ മരണം പ്രവചിക്കുമെന്ന അവകാശവാദവുമായി രംഗത്ത്‌ വന്നിരിക്കുന്നത്‌. അടുത്ത അഞ്ച്‌ വര്‍ഷത്തിനകം നിങ്ങള്‍ മരിക്കുമോ എന്നാണ്‌ വെബ്‌സൈറ്റ്‌ കണക്കുകൂട്ടി പറയുക. സൈറ്റിലെ ഉബിള്‍ റിസ്‌ക്ക് കാല്‍ക്കുലേറ്റര്‍ എന്ന സംവിധാനമാണ്‌ മരണം പ്രവചിക്കുന്നത്‌.ടെസ്‌റ്റില്‍ പങ്കെടുക്കുന്നവരുടെ പ്രായപരിധി നാല്‍പ്പത്‌ വയസിനും എഴുപത്‌ വയസിനും ഇടയ്‌ക്കായിരിക്കണമെന്നതാണ്‌ ഏക നിബന്ധന. കുടുംബത്തില്‍ ആരെങ്കിലും സമീപകാലത്ത്‌ മരണമടഞ്ഞിട്ടുണ്ടോ? ഒരു ദിവസം എത്ര തവണ ഡ്രൈവ്‌ ചെയ്യും? നടക്കും? തുടങ്ങി ഒരു ദീര്‍ഘമായ ചോദ്യാവലിയുടെ അടിസ്‌ഥാനത്തിലാണ്‌ ടെസ്‌റ്റിന്‌ വിധേയനാകുന്നയാള്‍ അടുത്ത അഞ്ച്‌ വര്‍ഷത്തിനകം മരിക്കുമോ എന്ന് പ്രവചിക്കുന്നത്‌. പ്രമേഹം, അര്‍ബുദം തുടങ്ങിയ രോഗ വിവരങ്ങളെക്കുറിച്ചും വെബ്‌സൈറ്റ്‌ അന്വേഷിക്കും.പരീക്ഷണാര്‍ത്ഥം വിവരങ്ങള്‍ നല്‍കിയ നൂറ്‌ പേരില്‍ ഒരാള്‍ മാത്രമാണ്‌ അടുത്ത അഞ്ച്‌ വര്‍ഷത്തിനകം മരിക്കാന്‍ സാധ്യതയുണ്ടെന്ന്‌ വെബ്‌സൈറ്റ്‌ പ്രവചിച്ചത്‌. സ്വന്തം വിവരം നല്‍കിയും സാങ്കല്‍പ്പിക കഥാപാത്രങ്ങളുടെ പേരിലും നിരവധി പേര്‍ മരണ സമയം പരിശോധിക്കുന്നുണ്ടെന്ന്‌ വെബ്‌സൈറ്റ്‌ അധികൃതര്‍ പറഞ്ഞു. | |
| Posted by : admin, 2015 Jun 04 07:06:59 pm |
