കാത്തിരിക്കുക..കോഴിക്കോട് സൗജന്യ വൈഫൈ സൗകര്യം ഒരുങ്ങുന്നു..

കോഴിക്കോട് നഗരത്തില്‍ സൗജന്യ വൈഫൈ സൗകര്യം ഒരുക്കുവാന്‍ ടെലികോം കമ്പനികളുമായി ചര്‍ച്ച നടത്തി ധാരണയായതായി കോഴിക്കോട് കലക്ടര്‍. വിമാനത്താവളങ്ങളില്‍ വൈഫൈ സൗകര്യം ഒരുക്കുന്ന അതേ മാതൃകയിലാണ് പദ്ധതി കോഴിക്കോട് നഗരത്തില്‍ വിഭാവനം ചെയ്തിരിക്കുന്നത്. ഏതാനും ആഴ്ചകള്‍ക്കുള്ളില്‍ തന്നെ ഈ സൗകര്യം ലഭ്യമായി തുടങ്ങും എന്നാണ് പ്രതീക്ഷിക്കുന്നതെന്ന് കലക്ടര്‍ സ്വന്തം ഫേസ്ബുക്ക് അക്കൗണ്ടിലൂടെ അറിയിച്ചു.കോഴിക്കോട് നഗരത്തില്‍ തുടങ്ങി ജില്ലയിലെ മറ്റുപട്ടണങ്ങളായി കൊയിലാണ്ടി, വടകര എന്നിവിടങ്ങളിലേക്ക് വൈ ഫൈ സംവിധാനം നടപ്പിലാക്കാനും പദ്ധതിയുണ്ടെന്ന് കലക്ടര്‍ പറയുന്നു. ലൊക്കേഷന്‍ തിരിച്ചുള്ള പ്രാഥമിക ലിസ്റ്റ് വരും ദിവസങ്ങളില്‍ അറിയിക്കുമെന്നും ഇദ്ദേഹം പറയുന്നു. ഈ സംവിധാനം വരുന്ന കേരളത്തിലെ ആദ്യ പട്ടണമായിരിക്കും ഇതോടെ കോഴിക്കോട്.