പവിത്രം സ്വയം സഹായ സംഘം പത്താം വാർഷികാഘോഷം

പവിത്രം സ്വയം സഹായ സംഘം ബ്ലോക്ക്‌ റോഡ്‌ പത്താം വാർഷികം ആഘോഷിക്കുന്നു.  ജനുവരി 26 തിങ്കളാഴ്ചയാണ് പരിപാടികൾ.  മഞ്ഞപ്പാലം 33 KV സബ് സ്റ്റേഷൻ പരിസരത്ത് സജ്ജമാക്കുന്ന വേദിയിൽ രാവിലെ 10 മണിക്ക്‌ ബാലുശ്ശേരി എം.എൽ.എ ശ്രീ പുരുഷൻ കടലുണ്ടി വാർഷികാഘോഷ പരിപാടികൾ ഉദ്ഘാടനം ചെയ്യും.  ബാലുശ്ശേരി ബ്ലോക്ക്‌ പഞ്ചായത്ത് പ്രസിഡന്റ് ശ്രീ. എ.കെ. മണി യോഗത്തിൽ അധ്യക്ഷൻ വഹിക്കും.  കൽപ്പറ്റ ഗവ.കോളേജിലെ റിട്ട.പ്രൊഫസറായ ശ്രീ.പി.സി.രാമൻകുട്ടി മുഖ്യ പ്രഭാഷണം നടത്തും.  പരിപാടിയിൽ  ആറാം വാർഡ്‌ മെമ്പർ ശ്രീമതി.രൂപലേഖ കൊമ്പിലാട്, വിവിധ സ്വയം സഹായ സംഘം പ്രതിനിധികൾ എന്നിവർ ആശംസകൾ അർപ്പിക്കും.  ഉച്ചക്ക് 2 മണി മുതൽ വിവിധ കലാപരിപാടികളും നടക്കും.  ആഘോഷ പരിപാടിയിലേക്ക് എല്ലാവരുടെയും സാന്നിധ്യവും സഹകരണവും ഉണ്ടാവണമെന്ന് സംഘം സെക്രട്ടറി റിനേഷ് കുമാർ പി.പി. പ്രസിഡന്റ് കെ.കെ.ബാബുരാജ് എന്നിവർ അറിയിച്ചു.